مقولة " الـ ـسـ يـ ـد ا ت أ و لا " أدخل لتعرف الحقيقة !!!!! (حصري)

حكاية اليوم رومانسية احداث تراجيدية والنهاية مأساوية بالنسبة لجنس الرجال



االمهم طبعا كلكم تعرفوا المقولة المعروفة : النساء اولا [center]

بالفرنسية les femmes d'abord

بالأنـgـلش ladies first



كثير مـن الشباب يستعملها زعما يثبت نبلوا

والبنات يفرحو لما يسمعوا هاذ المقولة في بالهم حاجة مليحة

املا اسمعوا أصل الجملة أدي

قالك كان يا مكان في قديم الزمان وسالف العصر والأوان

في مدينة أيطالية شاب غني و لاباااااااس عليه و أمورو طيبة تعرف عـلى طفلة مليحة في الزي

وشي هو جات فقيرة

تعرفوا عـلى بعضاهم مكاوفة كيما نقولو عن طريق الصدفة

ومرت الأيام حتى حب بعضاهم وقرروا الزواج

طبعا الشاب غني والطفلة فقيرة فحدثت مشاكل بين العائلتين

فعائلة الشاب قالت انهم ماهمش مـن النيـVـو (المستوى )

وعائلة البنت قالت مبعد يبداو يتكبرو شوفي واحد عـلى قد حالك

وهم يعلمون ان البنت تسمع كلامهم

ولما ضاقت كل السبل بالعاشقين

قرروا الأنتحار فذهبوا ألى جبل عال

وقرروا القفز فلما همت الشابة بالقفز

قاللها روميو تاعنا لا حبيبتي انا مانحملش نشوفك ميتة خليني انا الأول

زعما رجل وقفز الشاب وراح فراك ولا شخوشخة.مااااات )

جاء دور الفتات نظرت للأسفل أستخوشت من المنظر وخافت

ورجعت لبيتها وبعد شهور اتزوجت بواحد فقير زيها وانجبو اولاد وعاشو في سلام وميزيرية

ونسات مستر روميو أصلا .......... واعرين يا بنات

وجات غير في الشاب مسكين خلى الدراهم والبنات الأيطاليات

من ثم ظهرت مقولة النساء اولا




موضوع ممنوع على اصحاب القلوب الضعيفة لأنو يديرلكم الرعدة في المعدة

ولي vـاريس في لـgـراجم




أرجوا أن ينال إعجابكم

شكرا على مرورك أخي أيوب

شكرا على المرور إخواني

و لك جزيل الشّكر أخي جـــابر
شكرًا
و السلام عليكم